JAGUAR-Ի ՁԵՐ ՍԵՓԱԿԱՆԱՈՒԹՅԱՆ ԻՐԱՎՈՒՆՔԸ - ՀՏՀ

Ի՞նչ է տեղի ունենում Jaguar-ի ապագայի հետ:

2021 թվականին հայտարարվեց մեր Վերաիմաստավորման ռազմավարության մասին՝ հաստատելով, որ Jaguar-ը կդառնա ամբողջովին էլեկտրական՝ որպես մինչև 2039 թվականը ածխաթթու գազի զրոյական արտանետման մեր պարտավորության մի մաս:

Ի՞նչ է տեղի ունենում Jaguar-ի ներկայիս մոդելների հետ:

Jaguar-ի յուրաքանչյուր մոդել բարելավվել և թարմացվել է, սակայն մենք լիովին հավատարիմ ենք մնում ընթացիկ մոդելների տեսականուն և մեր հաճախորդներին: Այս փոփոխություններն ավելի հստակ կտեսնեք մեր 2024 մոդելային տարվա մեքենաներում՝ բոլոր նոր ամենագնացների և սեդանների համար նախատեսված էլեկտրաֆիկացված ուժային ագրեգատների տարբերակներով:

Ի՞նչ է սա նշանակում Jaguar-ի ներկայիս հաճախորդների համար:

Jaguar-ը կշարունակի Jaguar ավտոմեքենաների վաճառքը և մատակարարումը ամբողջ աշխարհում: Jaguar-ի սպասարկման ցանցը շարունակում է գործել ամբողջ ծավալով և նախկինի պես կապահովի սպասարկման անգերազանցելի մակարդակ մեր ընթացիկ հաճախորդներին: Ներկայացուցիչները կշարունակեն սպասարկել Jaguar-ի արտադրանքները, կատարել երաշխիքով պայմանավորված պահանջները, ապահովել ծրագրակազմի թարմացումները և կապահովեն լավագույն աջակցությունը հաճախորդների համար: Շարունակվելու են պլանային տեխնիկական սպասարկման աշխատանքները և ճանապարհային աջակցության ծառայությունները, ինչպես նաև Jaguar InControl® Remote և Protect™ հավելվածների սպասարկումը։ Մենք ձգտում ենք հոգ տանել ձեր և ձեր Jaguar-ի մասին կլոր տարի 24/7 ռեժիմով:

Ես դեռ կկարողանա՞մ սպասարկվել Jaguar Ներկայացուցչի մոտ։

Հնարավոր է որոշ փոփոխություններ նկատեք մինչ մենք բարելավում և օպտիմիզացնում ենք մեր ներկայացուցիչների ցանցը՝ լավագույն ծառայությունն ապահովելու համար, սակայն մեր սպասարկման ցանցը կշարունակի գործել: Ձեր տարածքի Ներկայացուցչին գտնելու համար խնդրում ենք որոնեք այստեղ:

Իմ տարածքի Jaguar-ի ներկայացուցիչն այլևս չի գործում, ո՞ւր կարող եմ գնալ սպասարկման համար:

Մոտակա սպասարկման կենտրոնը գտնելու համար, որը կկարողանա ապահովել ձեր Jaguar-ի տեխնիկական սպասարկումը, խնդրում ենք այցելել Ներկայացուցիչների ցանկ:

Կարո՞ղ եմ օգտվել իմ տարածքի Range Rover-ի / Defender-ի / Discovery-ի ներկայացուցչից սպասարկման համար:

Դուք կարող եք վստահ լինել, որ մեր Ներկայացուցիչները կշարունակեն սպասարկել Jaguar-ի արտադրանքները, կատարել երաշխիքով պայմանավորված պահանջները, ապահովել ծրագրակազմի թարմացումները և կապահովեն լավագույն աջակցությունը հաճախորդների համար: Ձեր տարածքի Ներկայացուցչին կարող եք գտնել այստեղ:

Իմ Jaguar-ի պահեստամասերը դեռևս հասանելի կլինե՞ն:

Մենք շարունակելու ենք բավարարել սպասարկման ձեր բոլոր պահանջները: Լրացուցիչ տեղեկությունների համար դիմեք ձեր Ներկայացուցչին:

Իմ Jaguar-ի ծրագրակազմը կշարունակի՞ ստանալ թարմացումներ:

Այո: Թարմացումները կուղարկվեն ձեր ավտոմեքենային հասանելի լինելուն պես, այդ թվում նաև գողությունից պաշտպանության վերջին միջոցները:

Արդյո՞ք իմ երաշխիքային և (կամ) սպասարկման փաթեթը դեռևս վավեր է լինելու:

Այո, ձեր երաշխիքային, երկարացված երաշխիքի և (կամ) սպասարկման փաթեթները չեն խախտվի: Ձեր սպասարկման փաթեթը կարող եք օգտագործել Jaguar ավտոմեքենաները սպասարկող ցանկացած Ներկայացուցչի մոտ:

Կարո՞ղ եմ շարունակել աքսեսուարներ գնել իմ Jaguar-ի համար:

Մենք կշարունակենք տրամադրել Jaguar-ի համար նախատեսված աքսեսուարների տեսականին, ինչպես օրինակ՝ բեռնախցիկի երեսպատման միջադիրները կամ տանիքի բեռնադարակները: Մանրամասները կարող եք հարցնել ձեր տարածքի Ներկայացուցչից՝ այստեղ:

Կարո՞ղ եմ դեռ գնել երկարացված երաշխիք և (կամ) թարմացնել իմ սպասարկման փաթեթը:

Jaguar-ը ձգտում է աջակցել մեր հաճախորդներին և նրանց տրամադրել ավտոմեքենա ունենալու բացառիկ տպավորություններ: Երկարացված երաշխիքները և սպասարկման փաթեթները կարող եք գնել ձեր Ներկայացուցչից։ Ձեր տարածքի Ներկայացուցչին կարող եք գտնել այստեղ: